Чаллыда «Президент ярышлары»ның республика этабы финалы узды.

«Президент ярышлары» Татарстан Республикасында «Бердәм Россия» сәяси партиясе  - «Балалар спорты» проекты эгидасы астында уза.

Ярышларда республикабызның 8 шәһәреннән һәм 9 авылыннан килгән командалар катнашты. Ярышларда барлыгы 200 кеше көч сынашты.

Ярышларның ачылу һәм ябылу тантаналарында ТР Премьер-министры урынбасары – ТР мәгариф һәм фән министры Рәфис Борһанов, ТР мәгариф һәм фән министры урынбасары Станислав Андреев, РФ федераль җыен дәүләт думасы депутаты Ольга Павлова, Яр Чаллы шәһәре мәгариф һәм яшьләр эшләре буенча башкарма комитеты идарәсе җитәкчесе Винер Харисов катнашты.