Кукмара районының Кече Чура авылында "Питрау" бәйрәменә кеше күп җыелды.

Кукмара районының Чура авылында керәшеннәрнең иң зур бәйрәмнәренең берсе "Питрау" булды, дип хәбәр итә "Хезмәт даны" газетасы.

Ул милли уеннар, җыр-биюләр белән үрелеп барды. Бәйрәмгә бик күп кеше җыелды. Өлкәннәр дә, балалар да рәхәтләнеп күңел ачты: төрле конкурсларда, уеннарда катнашты, татар эстрадасының танылган "Казан егетләре" төркеме башкаруында концерт программасы карый алды.

-Безгә монда бик ошый. "Питрау"га ел саен килергә тырышабыз, - диде бәйрәмгә Кукмарадан килгән кунак. – Иң мөһиме – бу бәйрәм төрле милләт вәкилләрен берләштерә. Биредә татар, рус, удмурт, мари халкын да очратырга була.